Eg kom tilbake til landet på torsdag. Mamma og pappa møtte meg på Flesland, Bergen, då eg kom med flyet frå London sånn i 23-tida.

På veg heimatt til Førde, var vi eit kvarter for seint ute til 01-ferja frå Oppedal. Vi måtte difor pent vente nesten 2 timar på neste ferje. Eg nytta høvet til å ta nokre fotos, og å berre nyte det å vere heime i Sogn og Fjordane.

Fredag tok eg turen innom Rune sin nye bustad. Her vart det helde eit lite vorspiel før vi reiste på Tresken, for å sjå Nullskattesnylterne. Veldig bra konsert. Veldig bra!

Gårsdagen gjekk med til noko av det same. Eg, Ole, Leif og Stian sat i stova mi og tok nokre pils, medan vi mimra over gamledagar og diskuterte samferdsle.

Med andre ord har eg hatt ei strålande helg. No doubt about that.

Lyd: Moving Oos - Romancer
Nydeleg sak frå eit trøndersk musikkollektiv. Beståande av medlemmar frå mellom andre International Tussler Society, Nullskattesnylterne og Dadafon. Flott låt!