Albuma eg elska aller mest i 2009

Bat for Lashes – Two Suns

Bat for Lashes sørga, blandt andre, for lydsporet til sommaren 2009 for min del. Eg hugsar framleis den natta eg sat på buss frå Trondheim til Førde. Fyrste helga i juni. Eg skulle heim til sommarfest, og sleit som vanleg med å sove på bussen. Eg sette på Two Suns, på veg over Strynefjellet, og det føltest så vakkert, så rett. Sola var på veg opp. Det var lenge sidan sist eg var heime i Sogn og Fjordane. Alt føltest perfekt der og då, fordi Bat for Lashes-plata er så stemningsskapande og deilig.

Arctic Monkeys – Humbug

Tredje plata til dei arktiske apene, og for tredje gong trappa eg opp på platesjappa på sleppdatoen. Eg elskar Arctic Monkeys, og heller ikkje denne gongen skuffa dei. Nydeleg plate som har fått køyrd seg på iPoden.

John Olav Nilsen & Gjengen – For sant til å vere godt

Eg trur eg høyrde plata minst ti gonger på veg til og frå New York i september. Han kallast av mange den nye Jokke. Eg gleda meg til plata sidan dagen eg fyrste gong høyrde “Diamanter & Kirsebær”. Og han er definitivt det beste som kom ut av det norske rockeåret 2009. Plata er nydeleg, frå ende til annan.

Passion Pit – Manners

Passion Pit. Hohoho. Grisefett album som har tatt meg med storm i året som har gått. Eg meiner å hugse at Lydverket kalte dei ein vårkåt versjon av MGMT, og den trur eg at eg er med på. Rett og slett fabelaktig frå ende til anna.

White Lies – To Lose My Life

Eg hugsar at musikkprodusentane i P3 kom tilbake frå musikkfestival med tittelsporet frå denne plata. Dei var begeistra, eg vart begeistra. Albumet vart kjøpt, albumet vart spelt. Mykje.

Bon Iver – Blood Bank

Eg oppdaga faktisk fyrst 2008-albumet “For Emma, forever ago” i 2009. Eg har forelska meg i musikken, og Bon Iver er nok eitt av banda eg har høyrd aller mest på i året som har gått. Digg då, at dei slapp ein ny EP, sånn rett etter at eg oppdaga dei.

Andre plater som fengsla meg i 2009:

Eva & The Heartmaker – Let’s Keep This Up Forever
Snasen pop, og det endelege gjennombrotet for Eva og typen.

Röyksopp – Junior
Plata som fekk meg til å byrje betale for Spotify, og som infridde så hardt at eg òg måtte kjøpe den fysisk.

Yeah Yeah Yeahs – It’s Blitz!
It’s Blitz skulle vise seg å bli fyrste Yeah Yeah Yeahs-plata i samlinga mi. Eg meinar å ha lest middelmådige kritikkar. Eg seier fuck det, eg elska plata.

La Roux – La Roux
La Roux har tatt oss alle med storm i 2009, meg inkludert!

Mi personlege Topp 25 frå 2009:

01: Bat for Lashes – Daniel
02: Passion Pit – Little Secrets
03: White Lies – Farewell to the fairground
04: Friendly Fires – Kiss of life
05: Montée – Isle of Now
06: Fleet Foxes – Mykonos
07: Phoenix – Lisztomania
08: Röyksopp + Robyn – The Girl and the Robot
09: Bon Iver – Blood Bank
10: Donkeyboy – Ambitions
11: Mew – Beach
12: Miike Snow – Burial
13: Grizzly Bear – Two Weeks
14: Jamie T – Sticks ‘n’ Stones
15: Jack Penate – Be The One
16: Kråkesølv – Privat Regn
17: Salem – Astronaut
18: Arctic Monkeys – Crying Lightning
19: Grand Island – Angelila
20: Florence + The Machine – Rabbit Heart (Raise it up)
21:  La Roux – Quicksand
22: Owl City – Fireflies
23: Yeasayer – Ambling Alp
24: Jay-Z + Alicia Keys – Empire State of Mind
25: The Temper Trap – Sweet Disposition

Mi “Topp 25 2009″-liste i Spotify

Dette er altså mi personlege oppsummering av musikkåret 2009. Låtane og platene som har gjort meg lukkeleg. Blir eg gira på å lage fleire lister dukkar der kanskje opp ei oversikt med favorittar frå siste tiåret òg. Vi får sjå. Her er listene mine frå 2008, 2007 og 2006.

Vampire Weekend – Vampire Weekend
I slutten av januar dukka Vampire Weekend opp. Låta “Walcott” vart lista på P3. Eg digga den, og musikkprodusent Jørgen sa at “du kan like godt berre kjøpe heile plata med ein gong”. Eg gjorde det, og angrar ikkje. Det lukta sommar og glede allereie på starten av året med desse flotte låtane.

MGMT – Oracular Spectacular
Eg vart fort fascinert av duoen MGMT, som i låta Time To Pretend syng om at målet deira var å tene pengar, flytte til Paris og få seg modellkoner. Eg kjøpte albumet, og oppdaga “Electric Feel” og “Kids”. Og ddersom du spør meg i dag om å velgje ei einaste låt fra dette albumet som står seg ut, så vil eg ha store problem med å velgje. Knakande flott plate som har surra mykje i spelaren min.

Cut Copy – In Ghost Colours
Magne tipsa meg om låta “Lights & Music” frå dette australske bandet. Grisecatchy, deilig låt. Eg sjekka ut albumet, og digga det. Cut Copy har vore med meg på samtlege bussturar mellom Førde og Trondheim i år. På den delen av turen kor eg er nærast å tenkje at eg lett hadde betalt 2000 ekstra i flybillettar for å sleppe å bli torturert på buss i ti timar. Cut Copy får opp humøret, Cut Copy får meg til å smile. Plata er grisedigg!

Santogold – Santogold
Ho Santi White, altså! Ho lagar sjukt fengande og herleg musikk, under artistnamnet Santogold. L.E.S. Artistes, Lights Out, Shove it, You’ll Find a Way… Albumet er stappa med suverene låtar!

Death Cab for Cutie – Narrow Stairs
Så kom det, i Mai. Nytt album frå Death Cab. Eg elska Plans som kom i 2005. Albumet var reinaste soundtracket til heile den hausten. Soundtracket til min nye tilværelse i Halden. Ingenting gjekk hardare i rotasjon på iPoden den hausten. Kva om Narrow Stairs sugde? Eg hadde lyst til, men turde ikkje sjekke ut førstesingelen på YouTube. Eg var så redd for å bli skuffa. Eg hadde moglegheita til å sjekke ut albumet ulovleg på nett fleire veker før det kom ut, men eg var liksom ikkje førebudd. Men endeleg kom det i butikken. Eg investerte. Det heile opna med Bixby Canyon Bridge, og eg tenkte at der var no i alle fall ein knakande flott låt. Og så heldt det fram med I Will Posess Your Heart. Alle åtte minutta var fine. No Sunlight, Cath…, Talking Bird, You Can Do Better Than Me, Grapevine Fires, Your New Twin Sized Bed. Digga alt hittil. Og så kom Long Division og Pity and Fear. Jepp. Kongealbum. Og så nydelege The Ice Is Getting Thinner til slutt. Death Cab skuffa ikkje. Dei leverte. Hipp hurra!

The Ting Tings – We Started Nothing
Jada! That’s Not My Name var reinaste sommarsoundtracket 2008. For ei låt! Og då eg sjekka ut albumet, berre velta låt på låt som var minst like bra ut og inn i øyret mitt! Fantastisk! For ei energibombe av eit album! For ein duo. Synd dei prøvde to gongar, men aldri fekk fullført ein konsert her til lands.

Ida Maria – Fortress Round My Heart
Ho vart Årets Urørt 2007. Ho vart hypa opp, og låtane “Oh My God”, “Stella & God”, “Queen of The World” og “I Like You So Much Better…” rulla og gjekk på P3. Og så kom albumet. Anmelderane var liksom ikkje så begeistra. Det var visst ikkje så bra dette, sa dei. Eg seier at jovisst var det bra, albumet til Ida Maria. Ei plate pakka med godlåtar! Utanom desse fire tidlegare nemnde, kor to av dei har blitt hits i England og ellers rundt i verda, kunne Ida Maria by på “Keep Me Warm” som fekk æra av å avslutte ein sesong av grisepopulære Grey’s Anatomy. Det er stort! Og albumet har fleire låtar som lett hadde vore potensielle radiohits. “In The Morning Light”, “Louie”. Då har vi brått lista opp heile albumet. Ein norsk senasjon, ho der Ida Maria. Av meg får i alle fall albumet voldsom applaus og gledesrop. For uansett om ingen anmeldarar er einige, tykkjer eg Ida Maria har levert. Så til dei grader òg!

Glasvegas – Glasvegas
Alle prata plutseleg om skottane i Glasvegas sånn litt utpå hausten. Og eg må no berre kaste meg på! Fabelaktig, sterkt og deilig album frå Glasgowkarane. Eg kjem aldri til å gløyme den morgonen i oktober, då eg stod på sending, ti over seks og oppdaga at eg medan eg spelte Geraldine, hadde skrudd lyden i studio på maks. Eg vart litt overraska, og skremd, men tenkte at dersom eg no først skulle miste hørselen, så kunne det godt vere til akkurat den låta.

Marit Larsen – The Chase
Ho leverte igjen, ho Larsen. Kort og greitt det næraste eg kjem ABBA utan å bli fysisk dårleg. Eg hatar ABBA, men eg elskar Marit Larsen!

Sigur Rós – Vid Spillum …
Eg klarar ikkje finne knappane som viser teikna som eg gjerne skulle hatt for å kunne skrive heile tittelen på albumet. Vi kan heller kalle det “albumet med bilete av dei nakne folka”. Uansett tittel eller foto på coveret. Det nye albumet til desse Islendingane er nydeleg. Veldig vakkert. “Gobbledigook” som opnar heile saken er ei perle, og får meg til å kjenne på at Sigur Rós er digg når dei køyrer på litt uptempo. Vidare kjem nydelege låtar som perler på ei snor.

Grand Island – Boys & Brutes
Grand Island leverte på andreplata òg, gitt! Wish It Was Summer Always, nydelege Love in Decay, Ass and Disco, The Flux of History, I Am The Horizon. Eg skjønte at dette albumet kom til å bli grisefett då eg såg Grand Island live på Storås her i Trondheim ein torsdag rundt påske. Eitt av årets beste norske. Definitivt!

Andre album eg digga:
Bloc Party – Intimacy
Ikkje det beste dei har laga, men med ein del godlåtar har Bloc Party servert nok ei fin plate.
Kaiser Chiefs – Off With Their Heads
Kaiser Chiefs har leika med han godaste Mark Ronson, og resultatet er spennande og godt!
The Killers – Day & Age
Dei kom med nytt album som plasserar seg fint mellom Hot Fuss og Sam’s Town (med Hot Fuss som det flottaste og beste).
Kings of Leon – Only By the Night
Eit godt album frå Followill-slekta.
Real Ones – All For The Neighbourhood
Bergensarar med eitt einaste langt hitmaraton.

Mi personlege “TOPP 25 2008″:
Det er jo nesten umogleg å rangere musikk. Eg tykkjer det er litt ekkelt, for der skulle jo fort ha vore plass til minst 40 låtar på mi ultimate Topp 20-liste. Men 20 er 20, og ikkje 40, så då prøvar vi oss med 25. Ulogisk, joda. Men musikken er den beste og finaste.

01 : The Ting Tings – Shut up and let me go
02 : Vampire Weekend – Walcott
03 : Glasvegas – Geraldine
04 : Dizzee Rascal – Dance Wiv Me
05 : M83 – Kim & Jessie
06 : Blitzen Trapper – Furr
07 : Death Cab for Cutie – Cath…
08 : Cut Copy – Lights & Music
09 : Shaun Bartlett – Silk
10 : Chairlift – Bruises
11 : MGMT – Electric Feel
12 : Ryan Adams – Crossed Out Name
13 : Sigur Rós – Gobbledigook
14 : Bloc Party – Talons
15 : Real Ones – Lonesome Town
16 : Friendly Fires – Jump in the pool
17 : Kings of Leon – Sex on Fire
18 : The Gaslight Anthem – The ’59 Sound
19 : The Raconteurs – Salute Your Solution
20 : Black Kids – Hit The Heartbrakes
21 : Pendulum – Propane Nightmares
22 : Cajun Dance Party – Colourful Life
23 : The Killers – Losing Touch
24 : Duffy – Warvick Avenue
25 : Pony The Pirate – Walk The Shame

(Nesten) heile lista er å finne på Spotify. Berre klikk her for å sjekke ut lista mi.

Eg har prøvd å liste opp det eg meiner er det beste frå 2008. Absolutt ikkje det einaste gode, men det beste av det beste. Sånn omtrent. Eg har stor tru på, og ein sterk følelse av at det skal bli endå vanskelegare å begrense seg når 2009 skal oppsummerast.
Eg håpar i alle fall det!

- Eg starta 2008 i deilige London.

- Eg fekk halde fram i den deilige jobben min.

- Eg, Torfinn og Stian vann faktisk eit reisestipend på jobben, som sendte oss heilt til New York.

- Vi laga P3Påske. Eg og Bjørn var einaste levande vesen på NRK Tyholt. Stian var på Oppdal. Ingrid Olava vitja studio, og spelte live, ein cover av Jokke & Valentinerne. Skulle vise seg å bli ein suksess.

- Eg prøvde meg på trening. Betalar framleis 419 kr til SATS i månaden, sjølv om eg ikkje har vore innom sidan denne beskjeden var hengt opp i garderoben i slutten av mars.

- Sommaren kom. Sommarfesten i Førde var som vanleg bada i sol, det same var det deilige vorset i hagen min.

- Eg skrudde saman mine første møblar sommaren 2008. Billege hagemøblar frå IKEA. Den eine stolen forsvann tidleg på hausten, omtrent samstundes som heile hagen vart gravd opp grunna vedlikehald av rør…

- Eg tok meg ein weekend i Amsterdam saman med Jo, Asbjørn, Ørjan og Geir Ove.

- Eg fekk med meg PStereo-festivalen på Marinen i Trondheim. Einaste festivalen eg var på i 2008, men den var til gjengjeld total idyll.

- Eg vart nominert i kategorien Årets DJ då Prix Radio skulle avhaldast under Radiodager 2008. Eg vann ikkje, men fekk meg ei grisedigg langhelg i Oslo med fagleg påfyll, finfin bransjefest og eit heidundrande kalas hjå Mathias og Bente, med masse folk eg sakna! Her er eit bilete:

- I oktober fekk eg æra av å vikariere ei veke for P3Morgen-redaksjonen som var på New York-tur. Det var overraskande digg å vere på jobb frå klokka 5, og å vekke Norge frå 6-10. Kaizers kom innom og covra Willie Nelson. Og på fredagen var Else skrekkeleg tidleg oppe for å vekke ein intetanande lyttar.

- Eg har ete sauehaue! Eg lyg ikkje, det er sant. 1. juledag. Eg skal få tak i biletebevis!

- Eg feira overgangen til det nye året i Barcelona, med Rune, Asbjørn, Jo Daniel, Kim, Ørjan og Geir. Det var digg, og ein fyldig rapport kjem i løpet av veka!

Og no er 2009 her. Og det einaste nyttårsforsettet eg har, er at eg skal prøve å ha det minst like gøy i år. Eg skal oppleve fine ting, og eg skal reise endå meir.
Riktig godt nyttår til deg som er innom her og les!
(Eg vurderte å setje opp “Oppdatere bloggen oftare i 2009″ som forsett… Men eg torer ikkje.)

The Arcade Fire – Neon Bible

Eg bestilte den på internett. Ein dag vi hadde fri frå skulen, stod eg opp litt seint, gjekk ned i stova i det skitne, gamle huset i Nord-London. Eg åt litt frukost, la merke til at eg hadde fått post. Eg tok med meg pakken opp på rommet, sette meg i senga, skrudde på macen, pakka plata ut av pappcoveret, putta den i cd-spelaren. Og så berre hugsar eg at eg smilte. Eg hugsar at det kribla i magen, og at eg hadde gåsehud. Eg hugsar at eg forutan “Keep The Car Running” som eg hadde høyrd på radio, la merke til “Intervention”, “The Well and the Lighthouse” og “No Cars Go” på første lyttinga. Eg kan hugse at eg måtte høyre ein gong til. Sidan den dagen, tidleg i mars har eg elska dette albumet.

The Shins – Wincing the night away

Det kom mykje bra musikk heilt i starten av året. Wincing the night away er ein av mine absolutte favorittar. Ei sterk cd-plate, som kjapt vart spelt med veldig høg frekvens på iPoden min, enten eg var i London, på vorspiel hjå Rune i Førde eller på Isle of Wight.

Magnet – The Simple Life

Eit av dei beste norske albuma i 2007. Nok ei sterk plate frå Even Johansen. Favorittlåt: “Slice of heaven”.

The Wombats – A Guide to Love, Loss & Desperation

Sånn nesten på tampen av året sneik to britar og Tord frå Elverum seg inn i øyret mitt, med eit album fylt til randen av god stemning. Det stinkar britisk pop av dennne plata, men det er berre positivt, i alle fall i mine øyre! Hurra!

Modest Mouse – We Were Dead Before The Ship Even Sank

Hurra for årets beste platetittel? Eg trur det. Ein musikkfest av voldsom energi og knallåtar. Eg hugsar framleis kor bergteken eg vart, delvis på første gjennomlytting, heilt på andre.

Superfamily – Warszawa

Førstealbumet Back in Paris var kjempebra. Eg hadde verkeleg ikkje anelse om kor mykje betre det andre albumet til superfamilien frå Moss skulle vere. Dette er norsk populærmusikk av internasjonal kvalitet. I love it!

Arctic Monkeys – Your Favourite Worst Nightmare

Akkurat som mine forventingar. Mine skyhøge forventingar.

Radiohead – In Rainbows

Bak dette voldsomme nedlastingskaoset som har råda, skjular det seg faktisk eit heilt nydeleg album. Eg betalte då eg lasta det ned, og albumet var så bra, at det jaggu var verdt å betale for òg i fysisk form.

Jamie T – Panic Prevention

Eg høyrde singelen “Sheila” på radio, og kjøpte albumet på impuls. Eg angrar slett ikkje på det, for “Panic Prevention” er noko av det kulaste frå the UK i 2007. Jamie T er som The Streets, berre meir spennande. For meg i alle fall.

Bloc Party – A Weekend In The City

East-London is a vampire! Hurra for den første, store musikkopplevinga i 2007, som berre tok tak i meg og heldt meg hardt fast frå februar til langt ut på sommaren. Hurra for eit andrealbum som var great success. Hurra for Bloc Party! Hurra for England! Trettito gonger hurra for “A Weekend in the City”!

Beirut – The Flying Club Cup

Eg oppdaga dette albumet lovleg seint på året, men eg fekk elska det ein heil del på veldig kort tid!

Kaiser Chiefs – Yours Truly, Angry Mob

Ei cd-plate med så mykje god, britisk poprock! Eit av mine mest høgfrekvente soundtrack til ein dag på skulen i London.

Andre album eg har digga i 2007:
Shout Out Louds – Our Ill Wills
Okkervil River – The Stage Names
Monzano – High Horses & One Trick Ponies
Band of Horses – Cease to Begin
Mark Ronson – Version
Heroes & Zeros – Strange Constellations
Apples in Stereo – New Magnetic Wonder
Susanne Sundfør – Susanne Sundfør

Årets beste songar 2007:

01: Modest Mouse – Dashboard
02: Jamie T – Sheila
03: The Shins – Phantom Limb
04: Bloc Party – Waiting for the 7:18
05: The Arcade Fire – No Cars Go
06: The Mary Onettes – Lost
07: Beirut – Nantes
08: Bloc Party – Flux
09: Arctic Monkeys – Do Me A Favour
10: The Wombats – Let’s Dance to Joy Division
11: Ghosts – Stay The Night
12: Okkervil River – Our Life is Not a Movie or Maybe
13: The Arcade Fire – The Well and The Lighthouse
14: Kaiser Chiefs – Ruby
15: Shout Out Louds – Tonight I Have to Leave It
16: The Moving Oos – Romancer
17: Band of Horses – Is There A Ghost
18: Feist – 1234
19: Dylan Mondegreen – Wishing Well
20: The Shins – Turn On Me

01: Elvira Nikolaisen – Love I Can’t Defend
Songen byrja riktignok å surre på radioen rundt juletider 2005. Likevel var den ikkje mogleg å få tak i før rett over nyttår. Nydeleg song, som eg endå ikkje er lei av i det heile.

02: The Killers – When You Were Young
Definitivt mest spelt i min iTunes, sjølv om den dukka opp først i byrjinga av September. Kanskje den beste frå The Killers, ever? Eg skal ikkje seie det for sikkert, men eg veit at den var litt vanskelegare å like enn dei føregåande singlane deira, og at den no har vokst noke enormt hos meg, og at den i tillegg til å vere nydeleg, no dreg med seg mykje gode haustminner.

03: Band of Horses – The Funeral
Eg hugsar at Leif ba meg sjekke ut denne rett før sommaren. Den er nydeleg, og det er resten av albumet òg. Trass det faktum at den er noko dyster, står den att hos meg, som ein skikkeleg sommarklassikar.

04: Arctic Monkeys – I Bet You Look Good On The Dancefloor
Eg hugsar endå den vinterdagen eg stod på busshaldeplassen i Halden. Det var iskaldt, og eg var for seint ute til bussen. Så, då stod eg der. Mutters åleine i snøkaoset. Eg og iPoden. Og sjølv om eg stod der i 30 minutt, og venta på neste buss, hadde eg det triveleg. For eg høyrde på Arctic Monkeys-plata. Og den var grisetøff.

05: Heroes & Zeros – Circles
Dei overraska stort, då dei spelte i Halden i forbindelse med Zoom/Urørt-turnèen. Eg vart frelst, og EP’en deira er genial. Circles er ein sikker festvinnar!

06: Shaun Bartlett – Bahrain
Denne songen minnar meg om den trivelege sommaren i NRK Sogn og Fjordane, og er eit typisk eksempel på musikk eg truleg ikkje hadde oppdaga om eg ikkje hadde jobba der. Playlista på P1, ikkje på P3. Nydeleg låt!

07: Marit Larsen – Under The Surface
I motsetning til Marion Raven, som har mista bakkekontakten, og tek opp att vidaregåande, har nydelege Marit Larsen laga eit fantastisk album. Tittellåta, “Under The Surface” gjorde sommaren min. Herregud, for eit vakkert stykke musikk.

08: The Decemberists – Yankee Bayonet
Fengande, herleg, nydeleg og flott frå The Decemberists. Eg har høyrd mykje på denne, sånn utpå seinhausten.

09: Eberg – Inside Your Head
Vakker elektronika, som eg først oppdaga i The O.C. Verkeleg kjenslefull.

10: Minor Majority – Keep Coming Around
Eg kjøpte den nye plata deira på ei høgt overprisa musikksjappe i Molde. Eg fekk lagt den inn på macen min, og over på iPoden. Nokre dagar seinare skulle eg ta toget frå Trondheim, via Oslo, til Halden. Det var stappfult på toget, eg var heldig, som fekk ein sitjeplass. Det var kaos og mas. Eg var dritlei og irritert, men då denne songen dukka opp på iPoden min, senka freden seg. Garantert den beste songen frå Minor Majority sitt “Reasons To Hang Around”.

ÅRETS BESTE ALBUM

Eg har ikkje heilt klart å velgje.
Thomas Dybdahl har ikkje funne opp kruttet med sitt nye album, “Science”. Men, han har laga eit, om mogleg, endå betre album, enn dei tre føregåande.

Thomas Dybdahl – Science

Til bursdagen fekk eg Thom Yorke sitt The Eraser. Yorke er nok best kjend som vokalist i Radiohead. Han klarar seg godt utan resten av gjengen, for å seie det slik. Nydeleg lytteopplevelse, og ei plate eg berre vert meir og meir glad i.
Eg vil tørje å påstå at eg står att med desse to, som mine favorittalbum frå 2006.

Thom Yorke – The Eraser

Andre som eg meiner bemerka seg:

Arctic Monkeys – Whatever People Say I Am, That’s What I Am Not
Band of Horses – Everything All The Time
The Killers – Sam’s Town
Minor Majority – Reasons To Hang Around
Razorlight – Razorlight

Kva meiner du? Einig? Ueinig? Kom med innspel, då vel.

Godt nytt år!