RonnyPonny.com » påske

Frisyrefoto

admin — Wed, 11 Apr 2007 03:17:00 +0000

Ørjan hadde klipt seg i Oslo her om dagen. Han var ikkje heilt nøgd med sveisen, og då passa det jo frykteleg bra at der var to frisørar på vorspielet laurdag kveld. Blandt anna Marianne som klipte meg. Dei tok saksa fatt, og berre minutt seinare hadde Ørjan bra sveis, og Rune hadde mykje hår på golvet.

Ferjekai og fest

admin — Sun, 01 Apr 2007 16:34:00 +0000

Eg kom tilbake til landet på torsdag. Mamma og pappa møtte meg på Flesland, Bergen, då eg kom med flyet frå London sånn i 23-tida.

På veg heimatt til Førde, var vi eit kvarter for seint ute til 01-ferja frå Oppedal. Vi måtte difor pent vente nesten 2 timar på neste ferje. Eg nytta høvet til å ta nokre fotos, og å berre nyte det å vere heime i Sogn og Fjordane.

Fredag tok eg turen innom Rune sin nye bustad. Her vart det helde eit lite vorspiel før vi reiste på Tresken, for å sjå Nullskattesnylterne. Veldig bra konsert. Veldig bra!

Gårsdagen gjekk med til noko av det same. Eg, Ole, Leif og Stian sat i stova mi og tok nokre pils, medan vi mimra over gamledagar og diskuterte samferdsle.

Med andre ord har eg hatt ei strålande helg. No doubt about that.

Heim til fagre Førde på ferie!

admin — Thu, 29 Mar 2007 02:22:00 +0000

Topp 10 – ting eg gler meg til å komme heim til
1 : Familie og vennar. Det vert strålande å sjå att folk
2 : Deilig dialekt. Det å bu i London med ein gjeng frå Austfold tærar på av og til.
3 : Frisk luft og vatn frå springen.
4 : Nye plata til Magnet
5 : Freia påskeegg
6 : Hus utan sopp og sneglar
7 : Å sleppe å bruke tørketrommel – Tørketrommel er teit
8 : Ordentleg middag, som eg slepp å tilbrede sjølv
9 : Ei seng, som ein faktisk kan kalle ei seng, utan å overdrive litt.
10 : Ein skitur… ? Litt usikker på denne.

Og så tek eg likegodt med ein Topp 5 – ting eg kanskje kjem til å sakne i ferien

1 : Eit fungerande kollektivtilbod
2 : Lyden av sirener. Det vert kanskje litt stille utan.
3 : Det store utvalet av pubs, kafèar og ting som liknar
4 : Varme og vår
5 : Britane som alltid trur eg er Skotsk, medan eg eigentleg berre er godt brisen på øl.

Heim til påske?

admin — Thu, 08 Mar 2007 01:59:00 +0000

Dersom eg reiser heim, får eg sjå familie, slekt og venner att. I tillegg får eg òg i år ete desse herlege fylte påskeegga frå Freia. Og så har vi jo heller ikkje skogssopp på badet heime heller.

Dersom eg feirer påske i London, blir det einsam åleinepåske i eit relativt stort hus. Eller. Eg er jo ikkje heilt åleine. Det ryktast at der bur ei stor rotte i hagen.

Valet er eigentleg lett. Så, 31. mars ser det ut til at eg set meg på eit Norwegian-fly til Bergen. Norway awaits, som det seiast på den første reklameplakaten eg såg her i London.