RonnyPonny.com » skule

“London & I”

admin — Sat, 26 May 2007 05:02:00 +0000

Alt av skulearbeid er levert, og eg tenkte eg skulle vise fram filmen min, som er ein av fire eksamensbesvarelsar i år. Oppgåva var enkel og grei: Eitt minutt. 60 sekund, om kva du vil. Eg har laga ei skildring av mitt forhold til det å bu i London. Sjå filmen "London & I". Du kan jo òg ta ein titt innom StrikerzBowling.com. Oppgåva her var å lage webside med mest mogleg animasjon og grafikk, i Flash.

Kaos! KAOS, seier eg!

admin — Wed, 02 May 2007 01:11:00 +0000

Det er andre mai i dag. Det betyr at eg i løpet av dei neste 22 døgna skal ha levert følgjande eksamensproduksjonar: Ein kortfilm på 60 sekund Ei webside i Flash. (kan berre litt Flash) Eit Flash-multimedieprosjekt eg, Mathias og Sandra har valgt å kalle "This Is Norway" Eit 2-siders magasindesign Eit t-skjortedesign Kontorrekvisitadesign Tilsammen 5700 ord med rapport Kvar skal eg byrje?

Me, starring in a black&white movie!

admin — Tue, 27 Feb 2007 15:02:00 +0000

Det er berre ei øvingsoppgåve i eitt av faga på skulen. Likevel har Henrik klipt saman eit godt stykke film. Eg tek meg godt ut i svart kvitt! Sjå filmatiseringa "The Exchange" her

Design, slik Tyskland ser det

admin — Tue, 20 Feb 2007 22:10:00 +0000

Først og fremst:
Ho har fasitsvar på kva som er god design, og kva som ikkje er det. Er du ueinig tek du feil.

Vidare må du aldri finne på å bruke blokkbokstavar. Det er stygt.
Du må heller ikkje finne på å bruke skrifttypar utan seriffar. Slik sett har eg gått på ein smell med denne heimesida. Slik sett har vel eigentleg alt av vevsider gått på ein smell. Uanom VG Nett, altså.

Artig at ein lærar kan prate om lesbarheit og kontrast, medan PowerPoint-presentasjonen i bakgrunnen har ein mørkeraud tittel på svart bakgrunn.

Dei interne websidene til kurset har svart bakgrunn, og mørk grå skrift. Det heile er litt trist. Trist er òg kursassistenten som kan mindre om det vi vert undervist i, en alle studentane.

Uflaks, sa Ronny

admin — Tue, 20 Feb 2007 12:14:00 +0000

Vi kom oss til skulen, etter mykje om og men. Opp fire trapper, og bort til det grusomt dårleg ventilerte klasserommet, kor der ikkje var ei levande sjel, trass det faktum at vi var for seint ute.

Undervisninga i faget DeskTop Publishing & Design er avlyst i dag.

Så no sit eg her, på ei datamaskin med eit vanskeleg engelsk tastatur, og ventar på dagens andre undervisningsfag, som tek til om 2 timar. Men, for all del. Det er kjekt å vente. Sandra les kjærleikseposten til naboen, som handlar om broken hearts og slikt. Eg høyrer på musikk frå iPoden min. Den reddar verkeleg dagen.

Og sånn nett no, er eg sjokkert over kor mykje eg brukar bokstaven å. Eg er og sjokkert over kor lange kodar ein må skrive for å få fram ein å på eit engelsk tastatur. Og så er eg sjokkert ober kor stor forskjell det eigentleg er på plasseringa av ulike teikn på norske og engelske tastatur.
Men eg er ikkje frustrert, altså. Berre sjokkert.

Framleis god dag då du!

Forresten: Kaffien her på skulen er altfor svak.